વિશ્વ રંગમંચ દિવસ...

રોજ દિવસનો પદડો ખુલે ને નવો મંચ હોય છે, 

હું નાયક એક ને પાત્રો ભજવાતા અનેક હોય છે,

#KJ ✍️

ચલ છોડ, કોને પડી છે?!!

કેહવું ઘણું છે, પણ શબ્દો નથી,

હૈયા ની વાત હોઠે છે, પણ હિમ્મત નથી,

શોધું છું કોઈ વાંચે જો આંખો ની ભાષા,

સ્વાર્થ જોઈ સૌનો, એમા પણ મળી નિરાશા,

હવે તો મૌન ગુંગળાઈ ને હિબકે ચડ્યું છે,

વિચારુ છું કે લખવા બેસું, 

 પણ પછી થાય કે ચલ છોડ કોને પડી છે?!!.....✍️

बस यूं ही....

रास्ते खामोश है, सिर्फ मंज़िलो का शोर है

जरा संभलकर ए दोस्त, राह में धोखा देने वाले कई मोड़ है, 

हर‌ एक‌ मोड‌ की अलग एक कहानी है,

हर डगर पर मिलती कुछ सीख सयानी है,

कदम उठाए हैं तो चलता चल,

ना‌ रुक, ना डर, बस अपने पे भरोसा कर,

राह में हर तरह के लोग‌ मिलेंगे, 

मीठा बोलने वालो के कड़वे इरादे भी मिलेंगे

हौसला देख तेरा लोग कई जलेंगे,

मंजिल आने तक,  तुझे क‌ई तोड़ेंगे,

पर तु हिम्मत मत हारना ए दोस्त,

कामियाबी पाने पर, तुझे तोड़ने वाले ही,

तुझसे‌‌ मिलने दोडेंगे....

હું.... નદી....

હું.... નદી.....

ક્યાંક ઝરણું કયાંક ધોધ,

અનેક સ્વરૂપ છે મારા, 

કઈક ને કઈક કહેતા,

જો તું ધ્યાન થી શોધ,

પર્વત થી જન્મી હું, થઈ સાવ અજાણ,

છંછેડાઇસ ઘણી આગળ, સેજ પણ નહોતું ભાન 

કયાંક સૌમ્ય તો ક્યાંક રૌદ્ર તો ક્યાંક મારે બંધાવું પડશે,

જાત તો સ્ત્રી ની જ છું, કંઈક કેટલુંક સહન કરવું પડશે,

ખળ ખળ વહેતી જન્મી હું જાણે નાનુ બાળ,

ધીમા ડગલે મે કિશોરાવસ્થા તરફ કર્યુ પ્રયાણ..

સમજણી થતા જ રસ્તા થયા ઉબડ ખાબડ,

અથડાતી કુદતી હું હવે ચાલી આગળ,

ક્યાંક જીવાદોરી બની તો સુકાઇ ને ક્યાંક સર્જ્યો દુકાળ 

માનવે છંછેડી મને તો ક્યાંક સર્જ્યો વિનાશ અકાળ,

ક્યાંક પવિત્ર ગણી મને, તો ક્યાંક મેલી કરાઇ,

જેવો જેનો સ્વાર્થ, મને એવી રખાઈ,

આગળ જતા રસ્તે ધીમે ધીમે વધી ઉંડાઈ,

આમ જ વહેતા વહેતા આ યુવાની માંડ સચવાઈ,

ક્યાંક ધસમસતા વહેણ તો ક્યાંક ધીર ગંભીર,

અઘરુ થયું જ્યારે "માં" કહીને મારા માં વહાવ્યા મૃત શરીર

થાકીને વહેતા આગળ મંજીલ મારી દેખાઈ,

શાંત થઈને હું છેલ્લે દરિયા માં સમાઈ

બાથ ભરી દરિયે અને મને સંભાળી,

મીઠું પાણી ખારુ કેમ થયું, વાત મે એને જણાવી,

ખારાશ બધી મારી લઈને, દરિયો પોતે ખારો થયો,

નામ ના આવ્યું મારુ કયાંય અને જગત માં વગોવાઈ ગયો,

આમ, પુરુષ થી જન્મી અને પુરુષ માં સમાણી,

સત્ય તો એ જ છે કે એક સ્ત્રી પુરુષ થી જ સચવાણી

નથી અસ્તિત્વ એક સિવાય બીજાનું,

બંન્ને એકબીજા ને સમજીને રહે એ જ જીવન મજાનું

હા..હું નદી...

ક્યાંક ઝરણું ક્યાંક ધોધ,

અનેક સ્વરૂપ કીધા મે  મારા,

હવે તુ સમજ જ્યારે પણ મને શોધ...

હા હું નદી......................

ધ્યાન થી સાંભળો તો...

ધ્યાન થી સાંભળો તો દરેક ઘરનું બારણું કંઈક કેહતું હોય છે,

કોઈ ખડખડાટ હાસ્ય તો કોઈ ભેદી રુદન સાચવતું હોય છે

ધ્યાન થી સાંભળો તો.....

કયાંક જૂની કોતરણી જાણે ખાનદાની વારસો સાચવતું

તો ક્યાંક નવી સજાવટ જાણે આજ ની પેઢી નું માન જાળવતું

કોઈ જર્જરીત હાલતમાં જાણે પોતાની નવાબી યાદ કરતું હોય છે

ધ્યાન થી સાભળો તો....

કોઈ અમીરી નો દેખાવ કરતું, કોઈ મધ્યમ વર્ગ નો સંઘર્ષ બતાવતું,

તો કોઈ ગરીબી ને ઢાંકી જાણે પરિસ્થિતિ ને રફુ કરતું હોય છે,

ધ્યાન થી સાભળો તો...

કયાંક તુલસી નો ક્યારો, તો ક્યાંક પગરખા નો સથવારો,

કોઈ બાગ બગીચા થી સજજ તો ક્યાંક પંખીઓ નો માળો,

દરેક ઘર ની રૂઢી પ્રમાણે ના એના શણગાર હોય છે

ધ્યાન થી સાંભળો તો....

કયાંક હસતી સવાર તો કયાંક અશ્રુ ભીની સાંજ,

ક્યાંક પરિવાર નો સાથ તો ક્યાંક એકાંત રાત,

ક્યાંક પારીવારિક કલબલાટ તો ક્યાંક ભેંકાર શાંતી હોય છે

ધ્યાન થી સાંભળો તો દરેક ઘરનું બારણું કંઈક કેહતું હોય છે...

ઝાકળ સમાન સ્વપ્ન...

ઝાકળ સમાન સ્વપ્ન રાખીને બેઠી છું હું,

જેમાં વાસ્તવીકતા નો તડકો અડતા જ,

બીજાની ઇચ્છાપૂર્તિ નું મેઘધનુષ્ય સર્જાય છે...

ખબર છે તુટશે જ,

તોય મન ને ક્યાં મનાય છે?

હર પળ રંગ બદલતી આ દુનીયા માં

જોને ભોળપણ મારુ વગોવાય છે...

ખેલ મોટો છે,

જે સમજે એને જ આ રમત સમજાય છે,

અહીં સ્વાર્થના પાસા ફેકાય છે અને,

ઝાકળ તૂટતા જ નગર આખું ઠુઠવાય છે

મૃગજળ સમાન જીંદગી...

મૃગજળ સમાન આ જીંદગી માં હર પળ તરસ બમણાઇ ગઇ,

જયાં ઇચ્છા પુરી થવાની હાશ થઈ, ત્યાં જ જાત છેતરાઇ ગઇ.

સીધા દેખાતા આ રસ્તા પર, મંઝીલ સામેજ દેખાઈ ગઈ,

લાગે કે ચાલો પોચ્યા હવે, ત્યાંજ એક વળાંક પર ધાપ ખવાઈ ગઈ.